Kako да подготвите STL фајл за 3D печатење?

1) Избери правилен формат

Најчесто за 3D печатење се користи STL (најпопуларен), потоа OBJ. Ако правиш инженерски дел со точни мерења, STEP е супер за работа и корекции пред да се извезе во STL.

Ако не си сигурен, испрати što имаш — ние ќе кажеме дали треба конверзија или поправка.

2) Провери размер и единици (mm)

Една од најчестите грешки е моделот да дојде во погрешна големина (cm наместо mm, или обратно). Пред да пратиш, отвори го моделот и провери дали димензиите одговараат на реалност.

3) Дебелина на ѕидови и стабилност

Ако делот е функционален, треба да има доволно материјал каде što има притисок, шрафови или оптоварување. Претенки ѕидови може да доведат до пукање или виткање.

Практично правило: ако е декоративно може да биде потенко — ако е функционално, планирај „резерва" за издржливост.

4) Толеранции (кога делови треба да се вклопат)

Ако правиш две парчиња što треба да се вклопат (капак/куќиште, клип, лежиште, клизач), не прави „0.00mm" совршено совпаѓање. 3D печатењето има реални толеранции и треба мал простор за да се склопи без сила.

Кажи ни дали деловите се притисно вклопување, лесно лизгање или слободно — ќе предложиме најдобар клиренс.

5) Ориентација и поддршки

Kako е свртен моделот при печатење директно влијае на: јачина, изглед, траги од поддршки и време на печатење. Ако има „надвиснати" делови, ќе требаат поддршки — тоа може да остави траги на површината.

Ако изгледот е важен, кажи која страна мора да биде „чиста" — ќе оптимизираме ориентација.

6) Проверка дали моделот е „затворен" (watertight)

За да се печати правилно, моделот мора да биде затворена геометрија (без дупки или отворени површини). Ако моделот има грешки, slicer-от може да прави чудни слоеви или да „изгуби" делови.

7) Što да ни пратиш за најбрза понуда

• Фајл (STL/OBJ/STEP) или слика + мерки
• Намена (декоративно/функционално)
• Приближни димензии
• Количина (1 или серија)
• Рок (ако е важно)